Аударманың теориялық жəне прагматикалық мəселелері: оқу құралы

Тілдің прагматикалық мəселелері лингвистикада кеңінен зерттелгенімен, аударматану
ғылымында кейінгі жылдары ғана зерттеу нысанына айналды. Бұл оқу құралында аударманың
прагматикалық мəселелері, прагматикалық қырлары мен ерекшеліктері, прагматикалық ықпал,
əлеует, аудармадағы рөлдік жəне прагматикалық қатынастар мен бейімдеу түрлері, олардың əдеби
жанрлар аудармасында қолданылуы, аудармадағы əлеуметтік лингвистика сипаты, аудармашының
прагматикалық жəне прагматикалықтан тыс міндеттері жан-жақты баяндалады. Аударманың
прагматикалық мəселелерінің көркем əдебиет шығармаларында қабылдаушылар, оқырмандар
деңгейіне қарай бөлінуі талқыланады. Оқу құралында көркем туындылардағы аударылуы қиын
пейзаждық суреттемелер мен портреттік сипаттауларды, баламасыз лексика саналатын реалияларды
беру жəне трансформациялық тəсілдер қарастырылады. Аудармадағы ұлттық бейімдеу амалдары
жəне əдеби жанрларда қолданылуы нақты мысалдармен талданады. Аудармадағы дискурс мəні,
оның қазіргі лингвистика мен аударматану ғылымындағы қолданысы сөз етіледі.
Фразеологизмдер мен фразеологиялық бірліктердің, идиомалардың аудармада берілу
тəсілдері жалпы мазмұнды толықтырады. Магистранттар аударма үдерісінде туындайтын
мəселелер мен қателіктер себептерімен де танысады.
Оқу құралын магистранттар, студенттер аударма зерттеушілері, лингвистер пайдалана
алады. Оқу құралының мазмұны жинақы, тілі жеңіл.